ძალიან ვწუხვართ და განვიცდით  დედაქალაქში განვითარებული სტიქიით გამოწვეული  უბედურებების გამო.

ძვირფასო მეგობრებო, კოლეგებო, თბილისელებო,
ამ რთულ და მძიმე ვითარებაში თქვენს გვერდით გვიგულეთ. ვუსამძიმრებ  დაღუპულთა ოჯახებს, ახლობლებს.

       ალუ გამახარია

ასოციაცია "მშვიდობიანი და საქმიანი კავკასია"-ს დირექტორი

აფხაზეთის ტრაგედიის შედეგად, სოხუმიდან იძულებით გადაადგილებული.

ქუთაისი,

14.06.15წ

ასოციაცია "მშვიდობიანი და საქმიანი კავკასია"-ს (ამსკ), სხვა პარტნიორი  NGO-ების, ბიზნესსექტორის წარმომადგენლების  და აფხაზეთის ა.რ. მთავრობის ერთობლივი ინიციატივით, შექმნილია და ფუნქციონირებს სსიპ აფხაზეთიდან იძულებით გადაადგილებულ პირთა სტაჟირების, კვალიფიკაციის ამაღლების და დასაქმების ხელშეწყობის ცენტრი "ბიზნესინკუბატორი"  (მოკლედ: აფხაზეთის სსიპ "ბიზნესინკუბატორი"). მას უვადო სარგებლობაში გააჩნია სახელმწიფოს საკუთრებაში არსებული, ყოფილი "ელექრომექანიკური" ქარხნის შენობა -10500მ²-ისსაწარმოო ფართით  და 0,5 ჰა მიწის ნაკვეთი, რათა აქ ხელი შეეწყოს იმერეთში მცხოვრები, ბიზნესსაქმიანობის აწყობის მსურველი, სათანადო განათლების და უნარების მქონე ახალგაზრდების და უმწეო ოჯახების შრომისუნარიან წევრთა დასაქმებას.

 დასაქმების მთავარი ინსტრუმენტია საკუთარი მცირე ბიზნესის აწყობის, ანდა სოფლად ფერმერული მეურნეობების შექმნის  მსურველი ახალგაზრდების  კონკრეტულ   კომპანიებში, ხოლო დამწყები ფერმერების  კი მათთვის სპეციალურად მოწყობილ სასწავლო-სადემონსტრაციო ბიო-სასათბურე მეურნეობაში 6 თვემდე სტაჟირება/სწავლება, მათ მიერ სტარტაპის მოპოვება, ახალწამოწყებული ბიზნესის ინკუბაცია.

 სასტაჟიორო ბაზა იქმნება კერძო ბიზნესის მიერ შემოტანილი საწარმოო-საშუალებებით და ბიზნესის მართვის ტექნოლოგიებით. ის ევროპულ "ბიზნესინკუბატორებში"   არსებულ ძვირადღირებულ ტექნოპარკებს   ჩაანაცვლებს და ამისათვის თანხები არ დაიხარჯება.

  "ბიზნესინკუბატორში" ინდუსტრიული მიმართულების სასტაჟიორო ბაზის შესაქმნელად  გათვალისწინებულია სხვადასხვა პროფილის 20-22 კომპანიის შემოყვანა.  6 კომპანია უკვე შემოსულია.

 აგრარულ მიმართულებაში სტაჟირებისათვის "ბიზნესინკუბატორი"-ს შენობის ირგვლივ  განლაგდება თანამედროვე სასწავლო-სადემონსტრაციო  სათბურები და კლიმატის  შემაკავებელი, გარემოდაცვითი, აგრარული ბიზნესის სხვადასხვა სფეროში ეფექტურად მოქმედი ეკოტექნიკა.   აქვე შესაძლებელი იქნება სათბურების  და ეკოტექნიკის შეძენა ან სტაჟიორების   მიერ საკუთარი ძალებით ადგილზე დამზადება .

"ბიზნესინკუბატორი"-ს სტრატეგიაა, ქვეყანას მისცეს ყოველწლიურად 200-მდე 6 თვიანი სტაჟირება გავლილი, სტარტაპშექმნილი დამსაქმებელი და მათი მეშვეობით 600-მდე დასაქმებული!  

• · "ბიზნესინკუბატორი"  მის ბენეფიციარებზე იზრუნებს, მათ მიერ წამოწყებული  ბიზნესების მდგრადობის მიღწევამდე.
• · პროექტის მთავარი მიზანია:

-პრიორიტეტულად, საზოგადოების მოწყვლადი  ნაწილის,  უპირატესად, დევნილების დასაქმება , უმუშევრობისა და სიღარიბის შემცირება ;

-ქართულ-აფხაზური საქმიანი პარტნიორობის  და ინტეგრაციული  პროცესის ხელშეწყობა.

თანამშრომლობისა და პარტნიორობისათვის ვიწვევთ ადგილობრივ და საერთაშორისო არასამთავრობო  ორგანიზაციებს, უმაღლეს და პროფესიულ  სასწავლებლებს, ფონდებს, მიკროსაფინანსო ორგანიზაციებს, ბანკებს, ინვესტორებს, ბიზნესმენებს და ბიზნესგაერთიანებებს, უცხოელ პარტნიორებს,  ხელისუფლების დაინტერესებულ სტრუქტურებს , ადგილობრივ  და უცხოელ მოხალისე მენტორებს.

   ალუ გამახარია

ასოციაცია 'მშვიდობიანი და საქმიანი  კავკასია"-ს დირექტორი,

სსიპ "ბიზნესინკუბატორი"-ს ხელმძღვანელი

მობ: 599552064, ტელ.: 26 51 06, ელფოსტა: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript., www.apbc.ge

ქ. ქუთაისი, გუგუნავას ქ.#1

------------------------------------------------------------------------------------------------------

Legal Entity of Abkhazia "Business Incubator"      

Resume

Through the joint initiative of the Association Peaceful and Business Caucasus (APBC), partner NGOs and Abkhazian A.R. the Legal Entity `Business Incubator`- a center for internship and employment of Internally Displaced People (IDPs) from Abkhazia (for short: Legal Entity of Abkhazia `Business Incubator`), was established and actively operates. It is located on the 10500m² industrial area of Electromechanical factory and 5 he land allocated by the government for the long-term usage. This place will support internship and employment of the local educated IDPs and other vulnerable youth, who intend to build their own businesses or farms.

The employment is ensured through the 6 months internship/training at various companies  or special demonstration bio-greenhouse farm. The interns will make start up and their business will undergo incubation period. 

The base for the internship is made with the industrial means and business management technologies brought by the private companies. They will replace expensive European Technology parks   without expenses.

Up to 20-22 various industrial companies will operate under the Business Incubator. 6 of them  have already been set there.

For the agrarian direction modern demonstration greenhouses and various environmental effective eco techniques will be arranged around the Business Incubator building. Besides, the interns will construct the mentioned echo techniques during the internship period. Together with the greenhouses these devices will be available for purchase.

Business Incubator has a strategy to prepare well trained 200 employers with business start up, who  will employ up to 600 people!

• Business Incubator will support its beneficiaries until their businesses achieve sustainability.
• Main goal of the project is:

-         To employ vulnerable part of population, mainly IDPs, to reduce unemployment and poverty;

-         To support Georgian-Abkhazian business partnership and integration process.

-          

We invite the local and International NGOs, high and vocational schools, funds, micro finance organizations, banks, investors, businessmen and business networks, foreign partners, interested governmental structures, local and foreign volunteer mentors for partnership and cooperation.

Alu Gamakharia

 Director 
Association "Peaceful and Business Caucasus"
Legal Entity of Abkhazia `Business Incubator`

#1, Gugunava st, Kutaisi 4600, Georgia
Tel: (+995 431) 26 51 06
Mob: +995 5 99 55 20 64
E-mail: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. 
Web-site: www.apbc.ge 
 

დიდად პატივცემულო ქუთაისელო - ბაღისკიდელებო, ძვირფასო სტუმრებო, მაქვს პატივი საზოგადოება „ზუგდიდელის“ სახელით მოგესალმოთ და კეთილი გულით მოგილოცოთ სამი მნიშვნელოვანი საიუბილეო თარიღი ბულვარის 190, ისტორიული „ბაღისკიდეს“ 100 და საზოგადოება, „ბაღის კიდეს“ დაფუძნებას 10 წელი. გიყურებთ და მიხარია, რომ თქვენში ვხედავ ცნობად სახეებს, ღვაწლმოსილ ადამიანებს, ქუთაისელ კოლორიტ პიროვნებებს, რომლებსაც ღირსეულად, უანგაროდ გაგიკეთებიათ სასიკეთო საქმეები ერისა და მამულისათვის. ამისთვის დიდი მადლობა თქვენ.

აგრეთვე მინდა ყველას მოგილოცოთ ხვალინდელი დღე-საქართველოს დამოუკიდებლობის დღე-26 მაისი.

მეგობრებო, ვისთვისაც ჩვენი ისტორია უცხო არ არის, მათთვის თვალნათლივად გასაგებია, რომ ქუთაისი დიდი ისტორიული წარსულის, უძველესი კოლხური კულტურისა და ჩვენი ერისთვის დამახასიათებელი ტრადიციების მატარებელი ქალაქია. ქუთაისი საქართველოს ცხოვრებაში მუდამ ღირსეულად ასრულებდა და ასრულებს მასზე დაკისრებულ მისიას. მოვიყვან მარტო ორ მაგალითს: სწორედ ქუთაისში ეკურთხა „აფხაზთა მეფედ“ 978 წელს ერთიან საქართველოს პირველი მეფე ბაგრატ III. 1089 წელს მეფედ ეკურთხა დიდი დავით აღმაშენებელი, რომელმაც ქუთაისთან ახლოს ააგო გელათის ტაძარი და დაარსა უმაღლესი სასწავლებელი-გელათის აკადემია. ამ სიბრძნისა და სიწმინდის მსგავს კერაზე მაშინდელ ევროპას სიზმარშიც არ ჰქონდა წარმოდგენა.

ქუთაისის ისტორიაში „ბაღის კიდესაც“ ეჭირა და დღესაც უჭირავს ერთ-ერთი მნიშვნელოვანი ადგილი. „ბაღის კიდეში“ იკრიბებოდა ქუთაისელთა კოჰორტა, რომელთა საუბრის თუ მსჯელობის თემა მუდმივად ბრუნავდა ერის, მამულისა და ქრისტიანულ მართლმადიდებულური რწმენის ინტერესების გარშემო. ერთი სიტყვით, რომ ვთქვათ „ბაღის კიდე“ იყო და არის პატრიოტიზმის, კაცობისა და ადამიანობის განსახიერების კერა.

მინდა ხაზი გაუსვა ერთ გარემოებასაც: ქუთაისსა და ზუგდიდს ბევრი რამ აკავშირებს ერთმანეთთან. მათი ჩამოთვლა შორს წაგვიყვანს. შევჩერდებით მხოლოდ ერთ მომენტზე.

ბევრმა ზუგდიდელმა ქუთაისში მიიღო სხვადასხვა სპეციალობით უმაღლესი განათლება, რომლებიც შემდგომში გახდნენ ცნობილი პარტიული, სახელმწიფო მოღვაწე და მეცნიერი. რაც საბედნიეროდ დღესაც გრძელდება. ამის მაგალითია საზოგადოება „ბაღის კიდესა“ და საზოგადოება „ზუგდიდელის“ საქმიანი, მეგობრული ურთიერთობის ხიდი, დოქტორი, პროფესორი ბატ. თამაზ ცანავა.

სპორტში-რაგბიში-ქუთაისის „აიას“ სპორტულ ღირსებას საკავშირო თუ საერთაშორისო ტურნირებში წარმატებულად იცავდა ზუგდიდელი საშა (ალექსანდრე) ნაჭყებია.

ფეხბურთში ქუთაისის „ტორპედოში“ დაფრთიანდა მეკარე ოთარ გაბელია, რომელიც შემდგომში ღირსეულად იცავდა თბილისის „დინამოს“ კარს საერთაშორისო და საკავშირო ჩემპიონატებზე და მრავალჯერ გახდა ნომერ პირველი მეკარე.

მეტად მნიშვნელოვანია აგრეთვე, ისიც, რომ საზოგადოება „ბაღის კიდესა“ და საზოგადოება „ზუგდიდელს“ შორის 2010 წლის 16 ივლისს გაფორმდა ურთიერთთანამშრომლობის მემორანდუმი, რომლის მიხედვით ჩატარდა არაერთი საქმიანი შეხვედრა-ღონისძიება, როგორც ქუთაისში, ასევე ზუგდიდში.

აქ მინდა გამოვყო მეტად მნიშვნელოვანი ღონისძიება, რომელიც ქუთაისის ნაზარიშვილის სახელობის საჯარო მედიცინის რეგიონალურმა ცენტრმა ბატ. მერაბ კვიცარიძის ხელმძღვანელობით მედიცინის ექვსი მიმართულებით ჩაუტარა ზუგდიდის რაიონის სოფ. ანაკლიას მოსახლეობის 2014 წლის 14 დეკემბერს უფასო სამედიცინო გამოკვლევა, რისთვისაც არამარტო საზოგადოება „ზუგდიდელი“, არამედ მთელი ზუგდიდიც გიხდით დიდ მადლობას.

მეგობრებო, ვსარგებლობ დღევანდელი შეხვედრით და მინდა გამოვთქვა ასეთი მოსაზრებაც: წესდების მიხედვით, ორივე საზოგადოების ამოცანები და მიზნები ბევრ საკითხებში თანხვედრია, რაც გვაძლევს საშუალებას ვიმოქმედოთ პრაგმატიკულად და მიზანმიმართულად, საზოგადოების წევრთა აქტიური ჩართულობით წინ აღუდგეთ ერის სულიერ გახლეჩვას და სხვა ჯანსაღ საზოგადოებრივ ძალებთან მყარი თანამშრომლობით, ერისა და ბერის სულიერად და იდეურად გაერთიანება-გამთლიანებაში შევიტანოთ ჩვენი წვლილიც.

ასევე, ჩვენს ორივე საზოგადოებას აქვს შესაძლებლობა თქვას თავისი მართებული სიტყვა აფხაზ ძმებსა და დებს და ჩვენს შორის ძმობის, მეგობრობის, ძუძუმტეობის „ჩატეხილი ხიდის“ აღსადგენად, პირველ რიგში კი შერიგების პროცესების დაწყებისათვის. დროა ყინული დავძრათ ადგილიდან.

ამას მე შემთხვევით არ ვლაპარაკობ. ამას მე მალაპარაკებს ჩვენი წარსულის, მძიმე ისტორიული მომენტები, რომლის მიხედვითაც საქართველოს სხვადასხვა მხარეებს შორის ზოგიერთ შემთხვევაში არსებული ურთულესი ურთიერთდამოკიდებულებისა, ყოველთვის უპოვიათ საერთო ენა ჭირში და ლხინში ერთად დგომისათვის საჭირო საყრდენი წერტილის გამოსანახავად.

ძვირფასო მეგობრებო, კიდევ ერთხელ მოგესალმებით საუკეთესო სურვილებით, იყავით მუდამ წარმატებული საზოგადოებრივი ცხოვრების ყველა სფეროში და რაც მთავარია ღმერთმა ნუ მოგიშალოთ ქუთაისური იერი, იმერული სიპეწე, სტუმარ-მასპინძლობის ეშხი და რაც მთავარია თქვენებური ხუმრობანი და ოხუნჯობანი.

გმადლობთ ყურადღებისათვის.

საზოგადოება „ზუგდიდელის“

თავმჯდომარის პირველი მოადგილე

ბატ. მურმან ნაჭყებია

2015  წლის  25 მაისი

ქ. ქუთაისი.

ძვირფასო   მეგობრებო,

თუ ასე გაგრძელდება , ქართული ჩაის  არაფერი ეშველება. იხილეთ ეს ეტიკეტი (ქართველი "პატრიოტი"  იმპორტიორების მიერ გაკეთებული), თუ  რა მარშრუტს გადის შრილანკიდან საქართველოში  იმპორტირებული ჩაი. ნახეთ,  ვის   და სადაურ  მეჩაიეებს  ვაფინანსებთ გაჭირვებული ქართველი მომხმარებლები. ვაი, ჩვენი ცოდვა!

დიდი გულისწყრომით,

ალუ გამახარია

***

ცეილონის  ბაიხის  შავი  ჩაი ერთჯერად პაკეტებში, შენახვის ვადა -2 წელი, წარმოების თარიღი და ვარგისიანობის   ვადის  გასვლის  თარიღი მითითებულია  შეფუთვაზე.

სპეციალურად გრინფილდ ტი ლტლ-სათვის, ლონდონი. შპს  "ორიმი  ტრეიდ" რუსეთი 194044. სანკტ-პეტერბურგი, ტობოლსკის ქუჩა 3. ტელ/ფაქსი:(812)346 8240. კონტროლით. წარმოებულია შპს "ნეპ" რუსეთი. 188682. ლენინგრადის ოლქი ვსევოლჟსკის რაიონი, სვერდლოვის სახ. დას., მ/რ 1.15/4

იმპორტიორი: შპს "ლიდერ დისტრიბუშენი" მის: ქ. თბილისი,  შანდორ  პეტეფის ქ#14

ე.ი. გამოდის, რომ   შრილანკიდან ჩაი წავიდა ლონდონში, იქ მაღალი ტექნოლოგიური  ოპერაცია გაიარა, მერე რუსეთის  კომპანია -ორამი ტრეიდმა  იყიდა ლონდონში და ჩამოიტანა ლენინგრადში, იქ ამ ოლქის ერთ-ერთ სოფელში დააფასოვა და  გახარებულმა შპს "ლიდერ  დისტრიბუმენმა" ლენინგრადის სოფელში დაფასოებული ჩაი  იყიდა და ჩამოიტანა თბილისში...?!

P.S. თუ არ გვინდა  ქართული ჩაის  მთლიანად ამოძირკვა  გადავწყვიტოთ, მოდით , ქე მაინც,  პირდაპირ  შრილანკიდან  ვიყიდოთ კარგი ჩაი და აქ, საქართველოში დავაფასოვოთ. იქნებ დამატებით 2-3 კაცი მაინც დავასაქმოთ! შეგახსენებთ, რომ უმუშევრობის მაჩვენებლით საქართველო კავკასიაში  I ადგილზეა, საქართველოში კი ყოველი მეორე შრომისუნარიანი ადამიანი  თავს უმუშევრად თვლის.  ჩვენი ქალები,მ.შ. ისინი, ვინც  ადრე ჩაის კრეფდნენ,  ახლა   თურქებს, ბერძნებს, ამერიკელებს და სხვებს უვლიან !