ღონისძიებას უძღვებოდა ასოციაცია „მშვიდობიანი და საქმიანი კავკასიას“ (ამსკ) დირექტორი ალუ გამახარია. მან   მოკლე ინფორმაცია  გააკეთა სამედიცინო პროექტის მიმდინარეობისა და   მისი შედეგების შესახებ.  განაცხადა, პროექტი  ითვალისწინებს  აფხაზეთიდან   და სამხრეთ ოსეთიდან  მოწყვლადი  ჯგუფის  ჯანმრთელობის  გაუმჯობესებაზე ზრდადი  მომართვიანობის დაკმაყოფილების  ხელშეწყობას!  განსაკუთრებით, მზარდი  და საგანგაშოა  ონკოლოგიური დაავადებების მქონე პაციენტთა რიცხვი.  პროექტი ასევე ორიენტირებულია ჯანსაღი ცხოვრების  წესის  პოპულარიზაციაზე.პროექტის ფარგლებში   თვით ბენეფიციარების ჩართულობით   ტარდება  ასეთი მასტერ-კლასები, რომლის დროსაც   ხდება     საინტერესო საკითხებზე საუბარი, აზრთა გაზიარება და  იქმნება  აფხაზებსა და ქართველებს შორის ჯანმრთელობის აქტუალურ  საკითხებზე  მსჯელობისათვის  კეთილგანწყობილი, არაპოლიტიკური გარემო. ამიტომ, პროექტის  ამ კომპონენტს, როგორც    მშვიდობის მშენებლობის   ინოვაციურ ფაქტორს,  დიდი წვლილი შეაქვს  პროექტის   მიზნის-ნდობის მშენებლობის და კონფლიქტების ტრანსფორმაციის საქმეში!

Øღონისძიებაზე ექიმ-იმუნოლოგმა გიორგი ჯუღელმა დეტალურად ისაუბრა  ონკოლოგიური დაავადებების  შემაჩერებელი და სისხლის გამწმენდი    სამკურნალო მცენარეების გამოყენების მნიშვნელობის შესახებ. „... რადგანაც ბოლო წლებში  ყოველი მესამე  აფხაზეთიდან პაციენტი   ონკოლოგიური დაავადებებით მოგვმართავს, აუცილებელად ვთვლით,პრევენციის სახით  იმ მცენარეებისა და ბოსტნეულების  მოხმარებას საკვებად და ნაყენის სახით, რომლებიც წმენდენ სისხლს, ორგანიზმიდან გამოაქვთ  ტოქსინები, აძლიერებენ  იმუნიტეტს და  აქტიურ მონაწილეობას იღებენ  ონკოუჯრედების განადგურებაში“, განაცხადა გიორგი ჯუღელმა. 

Øხანგრძლივი  და ჯანმრთელი ცხოვრების  წესის დამკვიდრების  შესახებ რეკომენდაციის სახით, მასტერ-კლასის მონაწილეებს ინფორმაცია  მიაწოდა პროფესორმა რანი ჭაბუკიანმა. ისაუბრა იმაზე, რომ  „... ადა­მი­ა­ნისთვის   ცხოვ­რე­ბის მი­ზა­ნს და  მი­სით ტკბო­ბას მო­აქვს ხა­ლი­სი და შთა­გო­ნე­ბები“.

Øსოხუმიდან  ჩამოსულმა ექიმმა, მედიცინის მეცნიერებათა კანდიდატმა ისაუბრა მკურნალობის პერიოდში ჰომეოპათიის როლზე, როგორც ალტერნატიული მედიცინის ერთ-ერთი ეფექტურ მეთოდზე.

Øჰომეოპათიაზე  მოსაზრება გამოთქვა პროფესორმა რანი ჭაბუკიანმაც.  

Øსამკურნალო მცენარეებისგან  კერძების მომზადებაში  ამსკ-ს პერსონალთან ერთად მონაწილეობდნენ თვით აფხაზი ბენეფიციარებიც.

Øმასტერკლასის  მუშაობას და მასში მონაწილე თითოეულ აფხაზს განსაკუთრებული სითბოთი და   სიყვარულით  მიესალმა  საქართველოს პარლამენტის    ჯანმრთელობის დაცვის და სოციალურ საკითხთა კომიტეტის თავმჯდომარის პირველი მოადგილე,                                                                                                                  ბატონი     ვლადიმერ კახაძე,   წარმოშობით სოხუმელი   ექიმი .

       მისალმებისას მან ასეთი სიტყვები თქვა:„...დღეს ასეთი  აქტივობები  ჭრილობების მოშუშებისთვის ეფექტური წამალია.   განსახილველად მეტად  საინტერესო თემებია გამოტანილი.     ღირსეულ სიტყვას კი  ძლიერი ძალა აქვს... დღევანდელ ღონისძიებას  შეუძლია,   ერთმანეთს  სიკეთე ვაჩუქოთ. მე ვნახე დღეს „აფთიაქი“, რომელიც სიტყვით კურნავს ადამიანს! თითოეული თქვენგანისგან ისმის არგუმენტირებული საუბარი. უფლებამოსილი ვარ ჩემი კოლეგების  სახელით,  საქართველოს პარლამენტიდან  კიდევ ერთხელ მოგესალმოთ,  გისურვოთ წარმატებები  და  გამოვთქვა მზაობა  შემდგომი თანამშრომლობის შესახებ!

Øღონისძიების მონაწილენი აქტიურად იყვნენ ჩართულნი   დისკუსიაში და ასეთი შეხვედრების მოწყობა ძალიან დადებითად შეაფასეს.

Ø ორგანიზაციის  დირექტორმა ალუ გამახარიამ მადლობა  გადაუხადა მასტერ-კლასის ჩამტარებლებს, მონაწილეებს  და  თქვა,     სამედიცინო ჰუმანიტარული  პროექტი,   გარდა   ჩვენი მეგობრების მკურნალობაში დახმარებისა,   ხელს უწყობს  სხვა ახალ სამშვიდობო ინიციატივების განხორციელებას, სამომავლო ორმხრივი, სამხრივი თანამშრომლობის განვითარებას. იზრდება გამოჯანმრთელებული პაციენტების  ქართულ-აფხაზურ, ქართულ-ოსურ  ერთობლივი ეკონომიკურ პროექტებში ჩართვის მსურველთა რიცხვი.ყოველი შეხვედრა აჩვენებს, თუ რამდენად დიდია აფხაზებსა და ქართველებს  შორის მონატრება, წარსულისადმი ნოსტალგია....